فاكر لما زمان حبيت إنك تكبر واتمنيت
تجري بسرعة تخطي حدود الكون والبيت
وأما تشوف النجم العالي تقول يحلا لي
وبكرة أما أكبر هوصل ليه
فاكر أول حلم في عمرك
لما عرفته وحنيت ليه
وأما تحسه هيبعد عنك
كنت تعيط تجري عليه
وأما تنام بالليل تتخيل
شكلك وانت بتفرح بيه
دوّر لو حلمك مش جنبك
واسأل عنه وفكر فيه
ما تخليش الدنيا تشدك
عن أهداف بتنادي عليك
واصبر حبة لو انت في محنة
حِلمك حقه عليك تلاقيه
